D’acòrd damb eth protocòu d’emergéncies, aué tàs 09h15, es alumnes der INS D’ARAN (Institut d’Educació Segondària) an estat evacuadi der edifici per ua fòrta aulor a carburants.

Ua dotacion de Pompièrs d’Aran s’a desplaçat enquiath lòc e an determinat qu’eth motiu dera alarma a estat un abocament de carburants o disolvents enes esgots.

Dempús d’auer ventilat er edifici der INS d’Aran, es alumnes an pogut tornar tath centre.

Eth sindic d’Aran, Carlos Barrera, s’a desplaçat enquitath lòc des hèts damb eth baile de Vielha e Mijaran, Álex Moga, era tecnica de Proteccion Civiu e es tecnics municipaus.

Barrera a soslinhat “sajaram de poder determinar eth punt a on s’a produsit aguest abocament.”