Mejançant eth plaçament de microsensors enes esquiadors e esquiadores se preten conéisher es sòns besonhs fisics pendent es entrenaments e era competicion damb er objectiu de melhorar eth sòn rendiment e disminuir eth risc de lesión.

Eth Centre de Tecnificacion d’Espòrts d’Iuèrn dera Val d’Aran (CETEI), gestionat peth Conselh Generau d’Aran, participe en projècte d’investigacion impulsat per INEFC centre de Barcelona entara aplicacion dera microtecnologia en esquiadors e esquiadores de naut nivèu, projècte que compde tanben damb era collaboracion dera Federacion Catalana d’Espòrts d’Iuèrn (FCEH).

Aguest pionèr projècte preten conéisher es besonhs fisics des esportistes pendent es entrenaments e era competicion damb er objectiu de melhorar eth sòn rendiment e disminuir eth risc de lesion.

Eth conselhèr d’Espòrts, Hector Manero, afirme que: “era implicacion deth centre damb aguest projècte mòstre qu’eth CETEI non sonque ei er unic centre de Catalunya reconeishut coma Centre Especializat de Tecnificacion Esportiua en Espòrts d’Iuèrn, senon que tanben ei pionèr ena sciéncia aplicada ar espòrt”.

Entà amiar a tèrme aguest estudi, se placèren multisensors en centre de gravetat a dètz esquiadors de naut nivèu deth CETEI Val d’Aran e s’enregistrèren es entrenaments enes modalitats super-G (SG), gegant (SD) e eslalom (SL) en Stadium Fernández Ochoa de Baqueira Beret. Actuaument, s’estan realizant es purmères valoracions deth projècte.

Es multisensors son petits dispositius inerciaus e inalambrics compausadi per diuèrsi sensors triaxiaus que permeten enregistrar era informacion deth movement en tres direccions. Aguesti aparelhs son petits e leugèrs, çò que facilite eth sòn plaçament e transpòrt.

Aguesta tecnologia dejà se hè a servir enes equips de prumèra division de fotbol, e  païsi coma Soïssa, França o Austria an començat a implementar-la tanben enes espòrts de nhèu.

Info: Conselh Generau d’Aran