Pendent era passada setmana retornèc ara Val d’Aran era imatge restaurada dera Mair de Diu de Casarilh, ua escultura en husta policromada d’estil gotic.
[adrotate group=»1″]Era intervencion de restauracion a estat promoguda peth Conselh Generau d’Aran, compdant damb ua subvencion dera Generalitat de Catalunya, e s’a desvolopat en dues fases pendent es ans 2018 e 2019.
Ena prumèra fasa, desvolopada en 2018, ath delà d’ua desinfeccion, s’amièren a tèrme diuèrses cales e radiografies que meteren de manifèst era existéncia de policromia subjacenta originau e era nauta qualitat deth trabalh de talha emmascarat dejós d’ua espessa cocha de repintat.
Dempús deth trabalh de restauracion, s’a recuperat era policromia originau e s’a confirmat era pertanhença dera òbra ath Talhèr de Comenge
Ena dusau fasa damb era eliminacion deth repintat s’a podut comprovar era bona conservacion dera policromia originau e confirmar era pertanhença dera òbra ath grop escultoric deth nomentat Talhèr de Comenge que se desvolopèc en airau der antic Bisbat de Comenge entre es sègles XIII e XIV, en tot introdusir er estil gotic en parçan.
Era imatge dempús d’auer-se presentat dimèrcles as vesins e ath rector dera parròquia de Casarilh se poderà admirar pendent un temps en Musèu dera Val d’Aran.
[adrotate group=»1″]Info: Conselh Generau d’Aran