A propòsta deth sindic d’Aran, Francés Boya, aguesti dies a visitat era Val d’Aran un equip d’expèrts en desvolopament sostenible entà hèr ua prumèra aproximacion a un estudi entà determinar eth potenciau d’Aran tà arténher un reconeishement internacionau dera Organizacion des Nacions Unides entara Educacion, era Sciéncia e era Cultura (UNESCO).
[adrotate group=»1″]Eth Conselh Generau preten qu’era Val d’Aran artenhe un distintiu qu’a coma objectiu compatibilizar era conservacion deth miei damb eth desvolopament territoriau e que supause un reconeishement entara dinamizacion socioeconomica fonamentat en desvolopament sostenible.
Aguest estudi ei entestat peth dr. Martí Boada dera Universitat Autònoma de Barcelona (UAB), que lidere un grop d’investigadors. Entre eri, eth dr. Javier Benayas, dera Universitat Autónoma de Madrid (UAM), eth dr. Alberto Hernández (IHEAL-CREDA), eth dr. Carles M. Gasol e eth licenciat Xavier Hidalgo der estudi Inèdit e UAB.
Eth projècte se desvoloparà en dues etapes. Era prumèra ei un estudi de gabinet der auviatge naturau e culturau, eth desvolopament economic e uman sostenible e dera capacitat entà realizar projèctes d’investigacion e d’establiment de dinamiques de desvolopament sostenible.
Aguest reconeishement a coma objectiu compatibilizar era conservacion deth miei damb eth desvolopament territoriau
Era dusau etapa consistirà en contrastar es valors analizadi damb es procediments determinadi pera UNESCO entàs reconeishements des valors culturaus, patrimoniaus e ambientaus aranesi.
Eth sindic afirme qu’aguest procés “a de méter en valor er auviatge naturau e culturau dera Val d’Aran, coma un espaci singular e unic”.
[adrotate group=»1″]Info e foto: Conselh Generau d’Aran