Enquiath 29 de mai, es pairs/mairs interessadi en apuntar as sòns/sues hilhs/es auràn de passar per Ajuntament entà liurar era documentacion de besonh.
[adrotate group=»1″]Era Escòla Mairau “Era Cunhèra” de Vielha e Mijaran daurís eth pròplèu 2 de març eth periòde de preinscripcions entara educacion preinfantila de cara ath cors escolar 2020/21.
A compdar d’aguest dia, enquiath 29 de mai, es pairs/mairs interessadi en apuntar as sòns/sues hilhs/es a d’aguest cors escolar, poderàn he’c, en tot amiar es documents de besonh en Ajuntament de Vielha e Mijaran, en orari d’atencion ath public. Es documents son: fotocòpia deth libre de familha, fotocòpia deth DNI des pairs/mairs, certificat de conviuença deth menor e fotocòpia deth contracte de trabalh des pairs/mairs.
Entath cors escolar 2020/21, era Escòla Mairau aufrís un totau de 8 places entà P0 (de 6 mesi a 1 an), disponibles ena sua totalitat entà naues matricules. En P1 (1-2 ans) aufrís 26 places, se ben 8 ja son reservades as alumnes qu’ara madeish corsen P0. Per tant, i an 18 places dubèrtes entath pròplèu cors. E, entà P2 (2-3 ans), i auràn 34 places en totau, mès 26 son reservades as alumnes de P1 d’enguan. Açò dèishe un totau de 8 places entà naues matricules en P2.
Un viatge finalizat eth periòde de preinscripcions, eth 8 de junh se publicarà un listat provisionau damb era puntuacion provisionau. Alavetz i aurà tres dies entà possibles reclamacions, deth 9 ar 11 de junh.
Eth 15 de junh, s’ei de besonh, i aurà ua tòia en cas d’empat entre alumnes ena puntuacion, ena Sala de Plens der Ajuntament de Vielha e Mijaran. Era publicacion dera lista de sollicituds damb era puntuacion definitiva des alumnes admetudi e era lista de demora serà efectiva eth 19 de junh.
Entath cors escolar 2020/21 era Escòla Mairau aufrís 8 places entà P0, 26 places entà P1 e 34 places entà P2, se ben ua part son reservades ara mainadèra qu’ara madeish ei ena escòla
Fin finau, deth 22 ath 30 de junh se daurirà eth periòde de matriculacion, a on s’aurà de portar: fotocòpia de vacunes deth menor, certificat mètge, fotocòpia dera targeta sanitària, numerò de compde bancari e fotografies (ua de tamanh 10×10 e 8 de tamanh carnet).
Info: Ajuntament de Vielha e Mijaran
Foto: Aué.cat