Eth dimenge 24 de seteme entàs 10:30 ores era glèisa de Cap d’Aran de Tredòs acuelherà era conferéncia sus es pentures romaniques extraviades hè mès de 50 ans e que s’an trobat recentaments en ua collecion privada de Soïssa per part de dus investigadors dera Universitat de Barcelona (UB).

Aguesta trobalha istorica s’amièc gràcies ath trabalh dera catedratica Milagros García e eth professor Juan Antonio Olañeta que seguiren era pista d’aguesta pentura de Sant Gervasi dera glèisa de Cap d’Aran e de d’autes cinc òbres mès en Musèu d’Art de Basilea e sollicitèren ad aguest equipament culturau meter-se en contacte damb es propietaris actuaus, es quaus les facilitèren veir e fotografiar es pèces.

Er Ajuntament de Naut Aran, a trauès deth departament de Cultura e, dempús de conéisher aguesta informacion dera descubèrta, se metec en contacte damb es investigadors entà que poguessen amiar a tèrme ua conferéncia en municipi entà explicar tot aguest procès e era importància d’aguestes pentures.

Era conferéncia s’amiarà a tèrme entàs 10:30 ores deth dimenge, abans dera missa en aunor a Sant Damian e Sant Còsme ena glèisa de Santa Maria de Cap d’Aran de Tredòs, emmarcada laguens deth programa des hèstes majors d’aguesta poblacion.