Era melhora dera eficiéncia energetica, er isolament acostic, autant er acondicionament des accèssi e servicis, son puntaus d’aguest projècte. Atau madeish, tanben se melhore era superfície deth tèrra, en tot hèr mès confortable eth sòn usatge.
Sa començat dejà a retirar materiaus coma son es teles decoratiues, es hiestraus e es pòrtes, ara demora de qu’arriben enes pròplèus dies es plaques d’isolament entara sua installacion.
Er Ajuntament de Les informe qu’er usatge d’aguestes installacions ei barrat ath public pr’amor qu’eth centre d’òbres ei dubèrt e es òbres en execucion, e es cobertures legaus e de responsabilitat non permeten eth sòn usatge enquia qu’aguestes finalizen.
Aguest projècte se desvolope amassa damb eth bastiment d’ua naua nau de servicis municipaus, gràcies ara linha d’ajudes deth PUOSC ath qu’eth consistòri s’aderic. Era finalizacion prevista d’aguestes òbres ei en primauera.
Info e fotos: Ajuntament de Les