Er Ajuntament de Vielha e Mijaran a realizat trabalhs de retirada de fòrça cablejat e d’auti elements des telesères dera antiga estacion d’esquí dera Tuca, qu’encara se trapauen escampadi pera montanha.
Aguesta intervencion ère plan de besonh, pr’amor qu’eth cablejat supausaue un perilh entara gent qu’abituaument hè senderisme e d’auti espòrts per aguest paratge naturau.
Per d’auta part, pendent aguesta setmana, er accès ara montanha d’Era Tuca, a compdar der horcalh d’Escunhau, a estat barrat ath transit des 8 as 18 ores per trabalhs forestaus.
Entà poder arribar ara part nauta dera montanha, se pòt accedir en coche pera pista que i a ath cant dera incineradora, ena Boca Nòrd deth Tunèl de Vielha.
Info: Ajuntament de Vielha e Mijaran