Er IEA-Acadèmia aranesa dera lengua occitana presentarà eth pròplèu diuendres dia 5 de junhsèga as 19 ores es sues darrères produccions en Institut d’Estudis Catalans en Barcelona.
Er acte que compdarà damb era participacion deth president der IEA-AALO, Jusèp Loís Sans, servirà entà presentar es darrères produccions dera Acadèmia coma era Gramatica der estandard der occitan, eth Vocabulari ortografic der aranés, eth Vocabulari des espòrts de nhèu, entre d’autes.
Per d’auta part, en madeish acte, Patrici Pojada, membre dera Seccion estandard der Institut d’Estudis Aranesi-Academia aranesa dera lengua occitana e membre dera Seccion Istorico-Arqueologica der Institut d’Estudis Catalans, disertarà sus Robèrt Lafont e Catalonha, ena commemoracion der An Robèrt Lafont.
Er acte debanarà ena sala Prat dera Riba der Institut d’Estudis Catalans, C/ del Carme 47 de Barcelona. Es assistents arreceberàn es exemplars des darrères produccions dera Acadèmia.
Info: Institut d’Estudis Aranesi